شاعر گؤزه لليك لر و ورغونو ، و گويچك ليكلر مفتونودور. او طبيعتده اولان گوزه لليك لر و اينجه ليك لري اوره كدن سئوير، اونون گؤز قاماشديران عظمتي نين قارشيسيندا باش أدنديرير طبيعتين اوجسوز- بوجاقسيز گوزه لليك لري، شاعري خيال آتينا مينديريب، انگين سمالري گزديرير. ائله بواوزون ديركي، شاعرين دئديكلري اؤزگه لردن فرقله نيرد شاعر يارادان بير قدرت ساييلير. شاعر حرف لردن كلمه لردن جومله لردن مصر اعلاء ، مصراعلاردان بيت لر يارادير، و خيال قوه سي ايله سرّلي سوز لره ال تاپير. ائله مضمونلار يارادير. ائله صحنه لر خلق ائديركي دوداقلاري تحسينه آچير . دوغرودان دا شاعر معجزه گر بير شخصيت ديركي يوخووار ، نامعلومو معلوم جلوه لنديرير. دئيرلر شاعرين قدرتي غزلده آرتيق دويولور. غزلده اولان تشبيه لر ايهاملار استعاره لر و خلاصه شعر صنعت لري شاعرين مهارتين و باجاراغين اولدوقي جا گؤسترير، ائله بو اوزون ديركي، شرق عالمي نين شكسپيري « محمد فضولي» غزل حقّينده بئله سؤيله يير :
غزل دير صفابخش اهل نظر غزل دير گول بوستان هنر
غزال غزل صيدي ، آسان ده ييل غزل منكري ، اهل عرفان ده ييل
غزل بيلديره ر ، شاعرين قدرتين غزل آنلادان ناظمين حكمتين
كونول گر چي اشعاره چوخ رسم وار غزل رسمین اٌئت جومله دن اختيار
كي هر محفلين زينتي دير غزل خردمندلر صنعتي ، دير غزل
قارشينيزدا دوران شعر توپلوسوندا« مهندس عليرضا تياني خياباني» نين بير حصه غزل لري يئرله شيب كي « يار ايله صحبت» عنوانلي دير و ذوق اهلي اوچون آنترسان و هيجان تؤره دن دير .
اگر شعري، احساسي بيان ائتمك نظره آلاق، بو دفترده اولان غزل لرده بير پارا احساسي نوماييش ائتديريركي حركتدن و هيجاندان بوش ده ييل، هر كسين اؤزونه قده ر دويغوسو و دوشونجه سي وار .
آقاي خياباني ، آز بير مدت ديركي الي قلمم ايله تانيش اولوب و ادبيات عالمينه قدم قويوب غزل يازير. اونون آيدين گله جه يي وار، اگر شعرلرينده بير پارا يئترسيزليك يا نقصان گؤرنور اونون علّتي تزه مئيدانا گلمه سيدير، و هر شاعر ، يازيچي نين اولده نقصانلاري اولماقلارينا ترديد ائتمك اولماز، بيزده بو اميد ايله كي، يئني يئتمه شاعريميزدرين مطالعه ائديب، اوستاد شاعرلريميزين شعرين اوخوماقلا پارلاق گله جه يي اولاجاق، اونون ادبيات ساحه سينده نائليّت لرين اولوتانريدان ديله ييب، بو ايلك اثرين اونا تبريك دئيريك .
مولا گوره ليم نئيله ر نيئله رسه گوزه ل ائيله ر
تبريز- يحيي شيدا