من 10 ياشيندايكن شهريارين حيدربابايا سلام اثريله تانيشديم. حيدربابايا سلام اثري شهريارين اؤشاقليق خاطيره لريني آنلاتان بير شعر مجموعه سي اؤلدوغو اؤچون منده چؤخ بؤيوك تأثير بوراخدي . داها سؤنرا فضولي، سيد عظيم شيرواني ، صراف و نباتي كيمي بير چوخ بؤيوك شاعيرين شعرلريني اؤخوماغا باشلاديم. آذربايجان مؤغام موسيقيسي ده منيم ايلهام قايناغيم اؤلموشدو. شهريارين سهنديه سي ايسه مني ائله جؤشدوردو كي، قيسا بير زاماندا شعري باشدان سؤنونا قدر ازبرله ميش اؤلدوم. 1379- دا ايلك غزليمي يازديم و عئين زاماندا تبريزين فردوسي كيتابخاناسيندا حاج آقا سيروس قمري و اؤنون واسيطه سيله ده اؤستاد يحيي شيدا ايله تانيشديم و اؤستادين فيكيرلريندن چؤخ فايدالانديم. يئنه حاج آقا قمري نين تؤوصيه سيله تهراندا پرؤفسور دؤكتور جواد هيئت ايله گؤروشوب شعرلريمين بير نئچه سيني اؤخودوم. دؤكتور هيئت بيگ، منيم شعر يازماقدا ايستعدادلي و چؤخ ذؤوقلو اؤلدوغومو سؤيله يه رك مني داها دا تشويق ائتدي. بير مودّت سؤنرا يازديغيم غزللردن 50- سيني بير مجموعه شكلينده "يار ايله صوحيت" آدي آلتيندا